Cho mit em wind
hock ig mi ane vors zimmer vom wind
uf ere stäge us altem stei
zarti verletzlichi hut vom gwysgete holz
lang ischs här
farb vor verwälkte niesswurz
ygnischted imene hof
dozmol mit bsetzistei?
bewohnt vo hagebuttestrüch
dr alti garte im haag
zum dachziegellager gworde
ziegel vo ygstürzte Dächer
fassade us holz
glöcheret mit winzige muschter
ygang vom wind, vor sunne und de stärne
viereggli, diamante, speerspitze
wysses schwärt us verlorener zyt
goldschlüssel für d’unändlichkeit.
Rosebärg-Zyklus (Mai 2022)